吞噬小说网

卷二 远照的屋厅（第3页）

跃豆：每日都要淋菜咩？

玉葵：冇使，隔几日淋一次。

玉葵：厂里啯塑料袋，大家都带出，卷成一细卷，有只人一次带太多，放在蛇皮袋里带出来，着开除了。对面屋阿只邻舍，好有钱啯，我畀佢，佢都要，有用啯喔，好使，做垃圾袋，又够厚又够大……就系我只侄女阿娇冇要。

阿种饭钵，不透钢啯，饭钵本来有几千只，宜家剩十几只了，人人都揖，放在细包里中，以前在厂里吃早餐好揖，宜家冇吃早餐了，为咩嘢冇吃了，就系太贵，一餐要扣五文半，晏昼饭系免费啯，不过我都冇吃。

科长也都偷鞋，咩嘢牌都有，有的鞋三千几元一双，仲偷了几百双鞋底。拍了照片，偷鞋啯科长，每只车间都贴照片……有人偷懒，也着坐正拍照，橱窗里车间里都有，台湾人管理，很严啯。

跃豆：严什么，侵犯人权。

玉葵：米豆所有银纸都交畀红中，无系同阿娇一样咩，我侄女阿娇很薯的（很傻的，像红薯一样傻，湖北人说苕），银钱全部交畀老公。我问，你在厂里工资无系两只卡咩，佢讲系一只卡，我讲佢，佢就哭，边哭边讲，想买两百多块钱的衣服，老公冇准，嫌贵，要佢买地摊货，老公自己穿名牌……讲明佢冇系心甘情愿自己工资全交出，佢冇愿全部交畀老公掌管啯。

跃豆：你侄女咩嘢文化程度？

玉葵：高中都毕业了。

跃豆：怎么没有女性的独立意识？

玉葵：现时呢，姑娘都系结婚前就去男方屋住，住到生了细侬才回母亲家住……冇结婚呢，男家不好喊你做咩嘢工，生了细侬住在自己母亲屋，母亲包容冇做咩嘢工……在男方屋就冇同，起迟了家婆就会讲你。啯只阿娇她又冇识做工，讲话又大声。家婆就讲佢讲话太大声，讲佢她时常凸家婆……我同佢家婆讲，佢家婆讲佢冇淋菜，我就讲，佢冇识淋，照头照脑泼落去菜叶都泼断了……我讲阿娇讲话从细就大声，她无系故意凸你啯……家婆又讲，阿娇一边讲话一边还咚脚（跺脚），人哋两个人讲话，佢就去搭捎……每次我讲佢就哭，大哥讲你又逗哭佢做咩嘢……我冇讲佢冇教佢就冇人教佢了，啯只人太薯了……

跃豆：清明扫墓，其实我同你应该回老家，从来冇帮阿爸扫过墓。

米豆：冇去，春一大姐讲，老家人很厉害啯，都要畀钱啯。大姐都冇回，老家人讲要修水泥坟，大姐都冇答应，讲反正系空坟，只立了只墓碑……阿妈讲，朝天拜就得了，灵魂都升上天了。

玉葵：阿光往年住在米豆家，吃住，传销，阿妈帮揾对象，现时在珠海开保健按摩店，回圭宁探阿妈，带了几只好细啯绿豆饼，至多十元钱……啯只人信无过，喊米豆去珠海调养身体，只只人都冇放心……至担心着人绑来做人质，着家属出钱赎回，冇就当苦力……我同阿妈讲，米豆去任何地方都要喊红中跟上，冇得自己去……渠头脑冇够使。

跃豆同阿妈倾偈：阿妈，细时我冇记得有米豆，在沙街都冇记得有佢……佢住过沙街咩？……佢去歆哋了呢？佢同外婆过一年半江西，远章舅父生仔，外婆去带米豆都跟住去。……阿蓉忪啯就死了？佢食粒苹果就死开了，歆知啯……留落两只细侬都系栋表哥帮带大送读书，大女读高职，今时在市医院护理部。细仔广东打工都可以……栋表哥自己三个仔，系超生。超生阿个老三生得好好睇，揾只老婆系城南小学老师，佢自己都冇工作呢，先去广东帮人开车，现时返嚟开只店……

跃豆问阿妈：我细时够奶吃咩？

远照：一般。冇太够。冇够就吃米糊。有只擂盘，米浸一夜。都几好擂，擂盘现时冇见有了。你细时吃得落一碗米糊……

跃豆：我细时无系三年困难时期咩？阿时径我有冇有嘢吃呢？成日肚饿系冇？

远照：你老豆在食品公司，仲可以，有肥瘦肉，油水多啲，米豆食就冇你多，佢六一年生落就冇阿爸，又困难时期，佢冇你食嘅嘢多……1961年你阿爸在南宁住院时径我去睇过佢。佢讲，我你嚟做咩嘢，冇在屋企睇仔。米豆细时由外婆带回香塘，在乡下就有嘢食啦。后尾三岁外婆带佢去江西，江西返回又去外婆家，外婆屋冇细佬仔，养鸡有鸡蛋，有豆腐，青菜都有。

……德兰舅母阿年返来，梁北妮冇愿吃饭也冇愿开嘴，佢就攞只鞋锥摆在饭桌上讲，你食无食，你冇开嘴就锥你啦，吓到北妮快快开嘴……阿阵时住沙街，大家洗衫都落河冲，德兰未见过咁急嘅水，佢惊，就喊远章落河洗衫……两个系大学同学，未结婚时径远章就攞张相畀我睇，穿条裙，外婆几欢喜。

天阴落来，远照落楼到大门口等阿墩，她同过路的妇娘搭捎。

买回啦？

买回啰喔……

芹菜炒咩嘢呢？

芹菜炒鸡蛋，剁幼幼……

你冇知呀，样样都贵了喔……六文钱就得几只。

豆角冇要炒啯要煲做……放了几日放烂了。

蕹菜重系三文钱一斤冇？

雨落起来，越落越大。入暗海宝回到家，衫裤着雨淋湿了，渠脱落衫使吹风机吹，吹爽了马上接住穿。保安服总共两件，一件洗了仲未爽另一件穿在身上着雨淋了……渠边吹边讲，去自来水厂睇了下，水厂物业亦系渠哋公司管。渠哋公司老总想学美国，接医院和学校的饭堂物业……一只学校几千人赚得好多钱啯，扭巷小学一只年级六七只班，每班八十人，老师讲课要使扩音器，全市区就有十几家小学……全家人回来，人人都淋湿衫裤了。

得闲时径海宝也同跃豆倾倾细时啯熟人。

细时使同一只水龙头啯张同志家，渠屋企大妹二妹三妹，大妹在三环公司装纸箱，陶瓷装箱，技术好，俾第二家老板撬走。二妹，在医院收费，冇特长冇文凭啯人，就系最好啯位置了。医疗保险得报销90%。好过在银行收费，银行压力极大，要揽储，春河顶无住压力只好冇做，春河在工商行，仲算好，中国银行至乱，银行啯姑娘妇娘，都要同人上床正完得成揽储任务。有对夫妇几正派啯，都着事，冇完成就丢工作……三妹嫁了个香港人，佢阿妈成日去香港。

另外一家，决家，你记得冇呢，细时一排宿舍至前头门口入去啯间，大环二环三环四环……大环又系在医院收费，医院子弟在医院收费啯好多。二环在法院，三环小名犸狫三（猴子三），我同班啯，长大非常之靓，百里挑一，部队特招，部队出来在深圳。全班聚会有合照啯，人人有QQ，冇人印相，我冇有QQ，亦冇有微信，求人帮印一只畀我，总应住，总冇印。

远照帮过好多人，不过渠自己从来冇记得。朝早买菜，有个人一定要帮渠出菜钱——“今朝早有个人一定要帮我付菜钱呢，我买空心菜同红薯叶，都系三文钱一斤，我正要攞钱出，有个人一把拦住我，渠抢在我头前硬帮我出了菜钱……我问渠，你为咩一定要帮我出菜钱呢？渠讲，好久冇见了，我啯仔就系梁医师你接生啯呀……我讲系咩系咩（是吗，是吗），渠讲渠仔啯命就系我俾啯，我讲我谂起了，就系生下来就窒息，我人工呼吸，嘴对嘴人工呼吸救活了……渠讲无系无系，无系啯样，我阿个系超生啯，你俾我出了证明讲冇得打胎……”

我在五楼，闻母亲大人在二楼屋厅喊，跃豆，廖主任来了。我穿一件家常白T恤行落下楼，就望见一个端庄精干，瘦小却有派头的老妇人坐在屋厅沙发上。

廖惟因说，你就系李稻基的女儿啊！没想到这么朴素。

她说以为我会穿一件旗袍……旗袍在她那一代象征着典雅、文明、时尚，但我一听她说出旗袍这个字眼马上就会谂到礼仪小姐、茶道小姐，或者舞台上的旧时代人物，或者电影里表现风情的某些女人。现在谁会穿旗袍呢。

廖惟因系时代先锋，1949年圭宁中学高一学生，二十七个解放军进城，她远远看见火光冲天，还有爆炸声，国民党的十台弹药车烧了很久。死了几个人，就解放了……她去军政委员会要求参加工作……“我一去渠哋就收了，有饭吃，每日不点人数就开饭。有青菜萝卜酸菜（做咩工作呢？）就系入户宣传，办识字班，就在喻家舍，二十几个妇女，没有教材，就系唱《你是灯塔》《解放区的天》……下乡了，每人发一枚襟章，军政委员会支前司令部乡村工作队……去征粮啊，解放海南岛要过大军，要征稻草喂马……我同李稻基参加了一个工作队……五二年冬土改结束，回到县里评功，李稻基立了大功……他发动群众领人修了一条很长的水渠，费了好大功夫……每人发了一只纪念章，奖了一只笔记本，纪念章上系一个农民手捧土地证……我们两三个人好兴奋，在冬天大街行行行，一直行，一点都不冷，浑身热腾腾，李稻基第一次同我讲到了渠啯婚姻，讲渠在安陆乡下有个老婆没有感情，准备离婚……”

想起来，母亲怀上我未几，我父亲就被打成了右派。在县礼堂开批判大会，县直机关所有人都要到会，我在母腹参加了批判父亲的大会。从未听母亲讲过，倒是泽红母亲罗阿姨无意间讲到的。

我也打听生父被打成右派的过程，但廖主任说她不太清楚，她在妇联，我父亲在食品公司。不过从俞家舍搬出后，廖主任担心他想不开出事，曾经去看过他一次。她说：“我劝他想想自己的女儿才刚刚生出来。后来他想开了，说要好好培养这个女儿……”

只有这些。